4º Receta: COUS-COUS

Para finalizar a nosa gran viaxe desprazámonos ata África para deternos en Marruecos e facer unha comida típica como é o COUS-COUS.

CANTACONTOS SUSA HERRERA

O mércores 23 o alumnado de infantil e primeiro ciclo tivo a sorte de asistir a unha sesión de CANTACONTOS de Edelvives levada a cabo por Susa Herrera. Actividade programada dentro das Xornadas Culturais deste ano e que podedes ver tamén no BLOG DA BIBLIOTECA.


SUSA HERRERA-Cantacontos por ceipsobrada

CONTACONTOS KALANDRAKA

O pasado mércores día dezaseis o alumnado de infantil e primeiro ciclo tiveron a visita de Olaia e Marc, contacontos e ilustrador da editorial Kalandraka. Esta actividade enmárcase dentro das Xornadas Culturais deste ano e tamén a podedes ver no BLOG DA BIBLIOTECA.

DÍA MUNDIAL DA DIVERSIDADE CULTURAL

Foi no ano 2002 cando a UNESCO declarou oficial que o 21 de maio se celebraría o DÍA MUNDIAL DA DIVERSIDADE CULTURAL PARA O DIÁLOGO E O DESENVOLVEMENTO.
Este día sérvenos para reflexionar e valorar a riqueza que nos aporta o poder ter e coñecer culturas distintas á nosa.
A campaña do ano 2012 anima á xente e ás organizacións de todo o mundo a tomar medidas concretas para apoiar a diversidade cos seguintes obxectivos:

• Aumentar a conciencia mundial sobre a importancia do diálogo intercultural, a  diversidade e a inclusión.
• Construir unha comunidade de individuos comprometida co apoio á diversidade a través de xestos verdadeiros e cotiás.
• Combatir a polarización e os estereotipos para mellorar o entendemento e a cooperación entre a xente de distintas culturas.

O COIDADO DAS MASCOTAS

 
O pasado martes tivemos a visita de Valeria e Javi, dúas persoas que nos viñeron a falar do coidado das mascotas, especialmente de como coidar e criar ós cans. 

Esta actividade foi ofrecida polo concello de Tomiño e enmárcase dentro das Xornadas Culturais deste ano.

17 DE MAIO: DÍA DAS LETRAS GALEGAS

O vindeiro xoves, día 17 de Maio, festexamos o DÍA DAS LETRAS GALEGAS. Esta celebración foi instituída no ano 1963 pola Real Academia Galega para homenaxear a aquelas persoas destacadas pola súa creación literaria en galego e polo seu compromiso na defensa do noso idioma.

Elixiuse esta data, o 17 de Maio, porque tal día coma ese, no ano 1863, publicouse en Vigo o primeiro exemplar da obra "Cantares Gallegos", de Rosalía de Castro que marcaría o inicio do "Rexurdimento", o renacemento cultural do galego.

Como sabedes, este ano homanaxeamos a un autor pontevedrés: VALENTÍN PAZ ANDRADE, un home loitador, defensor a ultranza dos seus ideais, que contribuiu enormemente á modernización do xornalismo en Galicia.

Para coñecer mellor a este autor, aquí vos deixamos os carteis que, sobre a súa traxectoria, elaborou o alumnado do cole e unha presentación confeccionada con eses mesmos carteis acompañados da interpretación de cada un deles para entender mellor a vida e obra de Valentín Paz Andrade:

VALENTÍN PAZ ANDRADE from ceip sobrada on Vimeo.

Tenis de Mesa

Comenzou  o 9   de maio  o torneo de TENIS de MESA  que se vai a celebrar no pavillón de Sobrada ata o día 23 de maio.Este ano hai moita máis participación, coles novos e ademais moitos xogadores que xa están no instituto.
Ao celebrarse no noso pavillón tócanos organizar e montar  as mesas entre todos, un total de 23.
Esperamos que todo saía moi ben  ademais de gañar algúnha medalla.

NAVEGA CON RUMBO

O vindeiro 17 de maio celébrase o Día Mundial das Telecomunicacións e Sociedade da información. Aquí tedes algúns consellos para NAVEGAR CON RUMBO pola Internet.

                        GUÍA PARA O ALUMNADO

Open publication - Free publishing - More ceip sobrada

                        GUÍA PARA AS FAMILIAS

Open publication - Free publishing

                       GUÍA PARA O PROFESORADO

Open publication - Free publishing - More ceip sobrada

BAILE DEPORTIVO

O pasado luns 30 de abril o alumnado de 3º, 4º e 5º tivemos a gran sorte de poder contar cunha actividade de baile moderno organizada polo profesorado de educación física. Tivemos, nada máis e nada menos, ós 6 veces campións de España de baile deportivo. Eles contáronnos un pouco sobre o mundo do baile deportivo, puidémoslle facer todo tipo de preguntas, ensináronnos algúns pasos e, por último, puidemos disfrutar con algunhas das súas coreografías. 

IMPRESIONANTES!!!

MAMMALS

Exposición final sobre os animais mamíferos realizada pola aula de 3º. Despois de que cada equipo traballase previamente un mamífero, en inglés simplemente se fixo unha continuidade dese traballo xa realizado en lingua galega. Ó resultado final chegouse despois de empregar distintas estruturas de traballo cooperativo como os lapis ó centro, folio xiratorio, xogo de palabras e grupo de expertos.
 Non está nada mal para ser a primeira vez que expoñen nunha lingua estranxeira. Congratulations!!!

TRABALLANDO CON FOTOS: GRUPO D

O alumnado do 2º ciclo expón o seu traballo despois de dous talleres de informática traballando coa fotografía. Sacaron fotos, retocáronas co Picasa, caracterizárona en Dumpr e fixeron un slideshow en Picture Trail. Este é o resultado do GRUPO D.

ZONAL BÁDMINTON

O pasado sábado 21 de abril celebrouse en Tomiño o torneo de bádminton interzonal do Baixo Miño- Condado, no que tivemos tres representantes, dúas benxaminas Eva Roldan e Yesenia Martínez e o alevín  Samuel Moreno xogando todos un magnífico papel nesta xornada na que  se disputaban  cinco prazas para participar no torneo provincial de As Neves que se xogará o vindeiro día 5 de maio.

Emocionante foi a clasificación de Eva Roldan en 3º posición e os postos acadados por Yesenia Martínez  7º quedando de reserva e a de Samuel Moreno 10º posición. Noraboa a todos.

Neste enlace poderás ver os resultados

todostorneos.es

Abraham Carreiro

O pasado  venres recibimos a visita de Abrahan Carreiro, un gran ilustrador de contos e de comics, con él tivemos a oportunidade de aprender e por en práctica diversas técnicas  de debuxo.Cunha rapidez e facilidade pasmosa comenzou  a crear divertidos  personaxes enchendo un papel branco nun instante, presentounos  aos  seus  piratas cibernéticos, mentres,  explicábanos  como conseguir corpos proporcionados, expresar sentimentos, organizar as viñetas para situar unha historia....

Invitounos a que probásemos a facer nós o mesmo, e a verdade é que funciona pero hai que ter moita calma, paciencia, practicar moito e sobre todo poñer a traballar a imaxinación.

DÍA DO LIBRO

Hoxe celébrase o DÍA DO LIBRO a nivel internacional. A Orixe do día do libro remóntase a 1930. O 23 de abril de 1616 falecían Cervantes e Shakespeare. Tamén nesta data naceron ou morreron outros escritores eminentes como Maurice Druon, Josep Pla ou Manuel Mejía Vallejo. Por este motivo, é unha data tan simbólica para a literatura universal e foi a escollida pola Conferencia Xeral da UNESCO para render unha homenaxe mundial ao libro e os seus autores, e alentar a todos, en particular aos máis novos, a descubrir o pracer da lectura e respectar a irreemplazable contribución dos creadores ao progreso social e cultural.

Co motivo desta  celebración  hoxe se está a facer unha actividade  de animación a lectura co libro "biblioburro", unha historia real  de Colombia.

 Se queredes coñecer máis a fondo esta interesante historia visitade o BLOGUE DA BIBLIOTECA.

FACEMOS ACROBACIAS

O pasado venres recibimos no cole a especial visita de Alba Castro, unha xoven ximnasta que fixo un alto nas súas vacacións para ensinarnos un pouco de como é o deporte que practica, pois non é moi coñecido.
Alba ten tan só 16 anos e xa foi campiona de España en varias ocasións e participou en diversas competicións internacionais co seu clube de Ximnasia Acrobática : Flic Flac de Vigo.

Ensinounos a facer diversas figuras e conseguiu que fosemos quen de realizar incribles composicións nas que algúns dos nosos compañeiros demostraron ser todos uns expertos.

Ademais, tamen contounos que no seu deporte unha das cousas máis importantes era a confianza nos teus compañeiros, o traballo en equipo e algunhas cualidades que se poden traballar como o equilibrio, a forza e a flexibilidade.
Agradecémosche moito a túa visita, Alba, e esperamos terte pronto connosco en outra ocasión.
Unha aperta dos teus alumnos por un día!

TRABALLANDO CON FOTOS: GRUPO C

O alumnado do 2º ciclo expón o seu traballo despois de dous talleres de informática traballando coa fotografía. Sacaron fotos, retocáronas co Picasa, caracterizárona en Dumpr e fixeron un slideshow en Picture Trail.
Este é o resultado do GRUPO C.